Фудбалерите на Реал Мадрид се на чекор до освојување на титулата во Шпанското фудбалско првенство.
„Кралевите“ синоќа во 36. коло ја совладаа Гранада на гостински терен со 2:1 и ја вратија разликата од четири бода во однос на конкурентот за првото место, тимот на Барселона.
Трите бода Реал во Гранада ги обезбеди по само 15 минути игра со головите на Ферланд Менди и на Карим Бензема. До крајот домаќините успеаја само да намалат преку Дарвин Макис.
На табелата во Ла Лига, Реал е лидер со 83 бода пред Барселона која има 79. Гранада е на десетто со 50 бода.