Вредноста на биткоинот опадна за речиси 14%, на помалку од 12.000 долари со само една вест што ги потресе берзите.
Јужнокорејскиот министер за финансии ијави дека постои можност за забрана за тргување со криптовалутите.
Министерот Ким Донг-Јеон за една локална радиостаница изјави дека владата во Сеул наскоро ќе излезе со мерки за борба против „нерационалното“ лудило поврзано со криптовалутите, објави светската новинска агенција „Ројтерс“.
Веста ја собори вредноста на биткоинот што на луксембуршката берза Битстамп се тргува по цена од 11.730 долари, што е за 13,6 % помалку во споредба со еден ден претходно.
Од средината на декември кога достигна рекордна вредност од 20.000 долари, биткоинот опадна а 40%, поради што пазарната капитализација му беше намалена за 125 милијарди долари.
Падна вредноста и на другите дигитални валути: етериум се „лизна“ за 7,8% на 1.190,45 долари.