Истражување во кое учествуваа речиси половина милион луѓе во Кина, покажа дека едно јајце дневно може да го намали ризикот од мозочен удар.
„Можеме да разговараме околу многу ограничувања и предупредувања кога станува збор за исхраната, но главната порака од ова големо истражување во Кина е дека едно јајце дневно не е поврзано со зголемен ризик од кардиоваскуларни болести, односно има позитивно влијание на здравјето“, изјави Ниха Форухи, професорка од универзитет во Кембриџ.
Ова истражување е објавено во магазинот „Heart“, а е последица на лошиот имиџ на јајцето и стравовите за ризици од салмонела, па се до холестерол.
Меѓутоа, ова истражување покажа дека покрај тоа што јајцето го намалува ризикот од мозочен удар, го намалува и ризикот од срцеви заболувања.
„BBC“ пишува дека во последно време поголем дел од докторите препорачуваат јајца како дел од здравата исхрана, бидејќи јајцата имаат најголема хранлива вредност, високо ниво на протеини, витамини А, Д, Б и Б12.
„Едно, па дури и две јајца дневно се во ред. Луѓето не треба да се грижат за тоа дали консумираат премногу јајца“, вели докторот Френки Филипс од Здружението за британски диететичари.
Сепак, тој нагласи дека претераното консумирање на која било намирница значи помалку внесување на хранливи материи од другите намирници.
„Јајцата се голем извор на протеини, а ние протеините ги внесуваме и на други начини. Треба да се внимава, бидејќи премногу (два или три пати повеќе протеини од препорачаната доза) може да доведе до проблеми со бубрезите“, вели Филипс.
Експерти советуваат никогаш да не купувате скршени или напукнати јајца, бидејќи постои можност да се инфицирани од некоја бактерија.
