Овој колач е идеален за сите љубители на едноставни и вкусни десерти, кои сакаат да уживаат во нешто што ќе ги потсети на домашната атмосфера и љубовта што мајките и бабите ја вложуваат при подготовката на нивните омилени десерти.
Состојките како свежи јаболка и ореви го прават не само вкусен, туку и поздрав избор во споредба со класичните колачи. Со додавање на темно чоколадо на крајот ќе го добиете совршениот десерт за секоја пригода.
Потребни состојки:
- 4 јајца
- 2 шолји шеќер
- 1 ванилин шеќер
- 2 шолји гриз
- 2 шолји ореви
- 1 шолји масло
- 1 шолји млеко
- 2 лажици какао
- кора од 1 лимон
- 4 рендани јаболка
за преливот:
- 200 гр темно чоколадо
- 2 лажици масло
Подготовка:
Најпрво измешајте ги јајцата, шеќерот и ванилиниот шеќер додека не добиете пенеста смеса. Во друг сад измешајте ги сите суви состојки: гриз, ореви, какао и кора од лимон.
Сувите состојки се додаваат во смесата со јајцата, па се прелива маслото и млекото. Сè добро соединете.
На крајот додадете ги ренданите јаболка и повторно сè убаво измешајте. Истурете ја смесата во претходно подмачкана тава. Печете на 200°C околу 40 минути или додека чепкалката за заби не излезе сува.
За подготовка на преливот растопете го чоколадото со две лажици масло и прелијте го врз испечениот колач. По желба, колачот можете да го декорирате со дополнителни јаткасти плодови, шеќер во прав или дури и шлаг.
Овој колкач е одличен за сите прилики. Поради комбинацијата од јаболка, ореви и цимет, ќе добиете богат и сочен десерт кој ќе ги задоволи сите љубители на слатки.
