Нормално е понекогаш да се случи да ни одлетаат мислите во која било ситуација. Ако водите стресен и брз живот, не е необично при водење на љубов да ви се случи да почнете да размислувате за купување на намирници, за обврски на работа, секојдневни проблеми и слично.
Сепак, ако ваквите ситуации ви се случуваат често, тоа секако може да има доста неповолно влијание на вашиот сексуален живот, но и на самото уживање во односот.
Како што пренесува магазинот „Cosmopolitan“, сексолозите советуваат дека за време на водење на љубов, потребно е во целост да му се препуштите на овој единствен чин.
Можеби ова звучи логично, но ако размислите малку подобро, ќе сфатите дека не секогаш сте уживале во моментот.
Она што треба да го направите е многу добро да се концентрирате на работите кои ве возбудуваат, на вашите најчувствителни точки на телото и да му дадете на партнерот до знаење што точно ве задоволува.
Обидете се да размислувате за тоа колку всушност ви е добро во тој момент, без да помислувате на ништо друго.
На овој начин уште повеќе и подобро ќе се поврзете со вашиот партнер, а сексот ќе стане поинтензивен и повозбудлив.
