За оваа техника ќе ви треба само четка која не е премногу груба, а важно е правилно да ги изведувате движењата.
Сувото четкање помага да се отстранат мртвите клетки, да се отворат порите и да се намали целулитот, па кожата ќе биде посветла и затегната. Исто така, промовира детоксикација на телото преку стимулирање на лимфниот систем и го зајакнува имунолошкиот систем.
Доволно е да земете четка со природни влакна кои не смее да бидат премногу груби и внимавајте правилно да четкате, во насока на протокот на лимфата низ телото, односно од стапалата кон срцето. Правете долги потези нагоре. Онаму каде што кожата е нежна, притиснете нежно, а на поцврстите делови можете да го зголемите притисокот.
Четкајте го стомакот, долниот дел на грбот, задникот и колковите во насока на стрелките на часовникот. Направете кратки потези од рацете до рамената, и мали кружни движења на зглобовите и лактите.
Четкајте ги вратот и рамената со кратки потези. Четкајте ги градите со кружни движења, а ако го четкате лицето, направете го тоа многу нежно, масирајте го со кружни движења.
Сувото четкање најдобро се прави пред туширање, наутро, со тоа што телото треба да се четка вкупно 5 до 7 минути, не повеќе, за да не се иритира кожата. После тоа, задолжително нанесете навлажнувачки лосион или млеко на вашето тело.
Продолжете со читање: Како сами да направите антицелулитно масло?
