Египќаните се жалат: Победничкиот гол на Карабатиќ не е регуларен

Лука Карабатиќ погоди од центарот на празна мрежа на 0,2 секунди до крајот за да ѝ донесе победа на Франција од 34:33 во полуфиналето на Светското првенство против Египет.

Откако главите се оладија, од таборот на Египет излегоа со тврдење дека голот бил нерегуларен. Тие не спорат дека голот е постигнат во рамките на дозволеното време, но дека требало да биде поништен поради прекршување на правилата.

Пред да шутира Карабатиќ и пред судиите да дадат знак за почеток на нападот, француски ракометар од левата страна зачекори во противничката половина. Според правилата, тоа не е дозволено.

На снимката се гледа дека Французинот од левото крило навистина зачекори во египетската половина. Но, има и толкување дека голот бил регуларен затоа што француското крило навистина направи нешто недозволено, но дека тоа не влијаело на играта или на ударот на Карабатиќ.

Бидејќи по голот веднаш следуваше големо славје на Франција, никој не забележа дека Египќаните се жалат, дека на пропустот им укажале на македонските судии Ѓорѓи ;Начевски и Славе Николов. Тие голот го проверија на видеото, но само за да утврдат дали е постигнат во дозволеното време.

Лути се и во табортот нa Hрватска каде се надеваа дека во полуфиналето ќе го добијат послабиот Египет (иако во групата всушност загубија од Египет), но вака ќе мора да играат со силната Франција. Дуелот Хрватска - Франција се игра в четврток од 21 часот во Загреб.