Според најновото откритие на научниците, егзопланетите во нашиот универзум можеби се дом на живот кој има многу подобри услови споредено со тие на нашата планета.
Изобилие на жив свет, далеку поброен од земјиниот кој ужива услови многу подобри отколку тие што ги нуди нашата планета. Научниците веруваат дека такви планети постојат.
Истражувачкиот тим на геофизичарката Стефани Олсон од Универзитетот Чикаго користел специјален софтвер од НАСА кој за повеќе откриени егзопланети направил модел која какви услови за живот би можела да понуди. Резултатите биле изненадувачки.
„Условите на некои егзопланети кои имаат поволни океански струи би можеле да поддржуваат форми на живот далеку побројни и поактивни отколку на Земјата“, вели Олсон.
Овие океани имаат слично нагорување со тие на Земјата. Поради создавањето на нагорен проток на хранливи материи од длабочините на океаните до сончевите делови каде што има услови за фотосинтетички живот, значи дека постојат хранливи материи кои можат да се обноват, а тоа значи биолошка активност.
Истражувачите откриле дека комбинацијата од потенка атмосфера, побавна ротација и присуството на континенти заедно придонесува за поголемо нагорување.
Ова истражување ќе помогне да се прошират параметрите кои денес се користат во потрагата по планети кои поддржуваат живот. Моментално главните параметри се фокусираат на температурата и на присуството на течни океани. „Не сите океани се подеднакво гостољубиви. Некои океани се подобри места за живот благодарение на струите“, појаснува Олсон.
Научниците претпоставуваат дека скоро 35 проценти од откриените егзопланети кои се поголеми од Земјата би требало да се богати со вода, што значи дека има доста потенцијал за жив свет.
