Европската комисија денеска соопшти дека го одобри користењето на лекот ремдесивир во третманот на тешки случаи на COVID-19 во ЕУ, јави ДПА.
Ремдесивир е првиот лек што доби дозвола за употреба во ЕУ. Овој лек е произведен од американската биотехничка компанија Gilead, првично бил развиен за третман на заболени со ебола, но имал мал ефект.
Во клиничките истражувања спроведени во Велика Британија и неколку други земји, беше докажано дека „ремдесивир“ го намалува времето на хоспитализација кај тешко болните пациенти со COVID-19.
Лекот го произведува американската фармацевтска компанија Gilead Sciences. Според првичните истражувања, го намалува времето на хоспитализација во случај на инфекција со новиот коронавирус за 31 процент во однос на плацебо групата.