Иако има време до Светкото првенство кое во јануари ќе се одржи во Египет, европската куќа на ракометот ги поништи бараж дуелите за последните 10 места и ги квалификува фаворитите без борба.
Со оглед на тоа што баражите закажани за јуни беа откажани поради пандемијата со коронавирусот, ЕХФ одлучи да не ги презакажува за некој друг датум, туку донесе преседан и без борба ги квалификува фаворитите според остварениот пласман на последното ЕУРО.
Со оваа одлука настрада и репрезентацијата на Македонија на која ѝ е скратена можноста да се бори за место во Египет. Наш противник беше силната Франција, дуел на кој бевме голем аутсајдер, но сепак, македонските ракометари и навивачите веруваа во чудо.
Австрија, Белорусија, Германија, Исланд, Португалија, Словенија, Унгарија, Франција, Чешка и Шведска се десетте среќни патници на Мундијалот во Египет.
Покрај овие, досега квалификувани се и Хрватска, Норвеша и Шпанија како најдобри на последното ЕУРО, Алжир, Ангола, Зелен 'Рт, Конго ДР, Мароко и Тунис од Африка, Бахреин, Јапонија, Катар и Јужна Кореја од Азија, Аргентина, Бразил и Уругвај од Јужна Америка, како и домаѓинот Египет и светскиот шампион Данска.
Допрва треба да се одлучи за преостанатите две места кои се безецирани за Северна и Централна Америка.
Македонија може единствено да се надева на добивање на една од двете вајлд карти кои ќе се доделат за да се пополнат и преостанатите две места од вкупно 32.
Мундијалот во Египет е закажан за 14-31 јануари 2021 година и ќе се игра во градовите Каиро, Борг ел-Араб, Сета Уктобер и новоизградениот град Ведијан кој ќе биде нов административен центар на Египет.