Експертски тимови за брзо дејствување неуморно работат на санирање на штетата настаната од излевањето 2,2 тони нафта во водите околу Островите Галапагос откако вчера се преврти товарен брод со контејнери.
На Островите Галапагос, кои се заштитени како светско наследство од УНЕСКО, виреат некои од најуникатните и научно најзначајните екосистеми на Земјата.
Токму затоа, инцидентот алармантно ги загрижува еколозите и научниците кои со сите сили и мерки на располагање го штитат вулканскиот архипелаг кој се наоѓа во Тихиот Океан и припаѓа на Еквадор.
На Галапагос има видови што не може да се најдат никаде на друго место на Земјата. Токму таму Чарлс Дарвин ги правел неговите истражувања и дошол до неговата Теорија на еволуцијата.
Според Крајбрежната стража на Еквадор, нафтата се излеала откако тоарен брод се превртил за време на товарење.
BBC објави снимка од инцидентот што се случил на островот Сан Кристобал.
Активистичката група SOS Galapagos најостро го осуди несовесното управување со бродот и обвинува дека целата операција била „нелегална и опасна“.
Крајбрежната стража на Еквадор соопшти дека презема секакви емрки за спроведување на итниот план за санирање на штетата.
