Екс играч на Тотенхем и Виљареал се префрли на кошарка

Поранешниот фудбалер на Тулуз, Тотенхем, Вотфорд и Виљареал, Етјен Капу, одлучи да го промени спортот.

Капу, поранешен играч за врска и француски репрезентативец, на 36 години реши да започне кошаркарска кариера.

Тој потпиша за кошаркарскиот клуб Жовенс Л'Елиана од Валенсија, кој се натпреварува во шпанската трета лига. Висок е 189 сантиметри.

Капу за француската репрезентација одигра вкупно 7 натпревари, а во Премиер лигата одигра најмногу натпревари, вкупно 180 натпревари за Тотенхем и Вотфорд.

Кариерата ја започна во Анже, а потоа се пресели во младинските категории на Тулуз. Одигра одлична сезона како млад играч, а потоа во 2013 година се пресели во Тотенхем во трансфер вреден 11 милиони евра.

Беше избран за играч на натпреварот кога со Виљареал го победи Манчестер Јунајтед во финалето од Лига Европа во 2021 година.