Меган зборуваше за своето ментално здравје и расизмот во кралската палата. Хари објасни дека решил да го напушти кралското семејство за да ги заштити сопругата и детето. Двојката претходно оваа година објави дека трајно ќе се повлече од кралските должности. Нивните тела зборуваа подеднакво гласно како и усните изјави.
Пети Вуд, експерт за говор на тело и автор на „Snap: Making the Most of First Impressions, Body Language, and Charisma“ за списанието Marie Claire рече дека Меган, и покрај нејзините тешки сведоштва, сепак се воздржувала.
„Гледаме мешавина од емоции во нејзините очи. Замислена е. Го врти погледот, се присетува. Има дел од неа што се смее додека се сеќава, но има и солзи. Има работи што ѝ се драги, како свадбата. Некои настани ја тераат на плач. Значи станува збор за комплексна мешавина на емоции. Таа се обидува да ги контролира“, рече Вуд.
Вуд исто така спомена дека Меган сакала да се заштити од предрасудите на публиката на почетокот на интервјуто: „Ги прекрсти нозете на заштитнички начин. Рацете ѝ се во скут. Тоа ја штити од напади врз нејзиниот идентитет и женственост“.
Меган имаше комплицирана врска со публиката, но и со кралицата. Иако Меган зборуваше со љубов за неа, Вуд забележува дека нејзиниот говор на тело откри нешто покомплексно: „На самиот почеток на интервјуто, Опра ја споменува кралицата, а Меган покажа сложени, негативни вокални и гестикулациски знаци за неа“.
„Мрмореше. Кога рече дека кралицата била една од првите луѓе што ги запознала од кралското семејство, погледна надолу и направи гримаса. Направи движење со јазикот. Ова е совршен пример за тоа како невербалните сигнали откриваат како навистина се чувствуваше“, продолжи Вуд.
Во измачувачкиот опис на Меган за нејзините борби со менталното здравје, говорот на телото го одразуваше она што го зборуваше.
„Се обидуваше да ги потисне спомените од тој страшен период. Кога плачеше, тоа беа вистински солзи“.
Кога се дискутираше за „загриженоста“ на палатата во врска со бојата на кожата на Арчи, ставот на Меган значително се смени. За Вуд, овој дел од интервјуто беше најстрашен, бидејќи говорот на телото на војвотката сугерираше дека таа навистина е во состојба на страв: „Таа се местеше во столицата, што е потсвесна желба да избега од ситуацијата“.
„На лицето ѝ се појави израз на чист страв. Тоа беше моментот кога Опра се обиде да ја убеди да каже кој ја коментирал бојата на кожата на Арчи. Беше толку исплашена“, рече Вуд.
Хари изгледаше тажен од фактот дека не беше во можност да го заштити своето семејство. Вуд објаснува: „Телото на Хари се чини се распадна, бидејќи тој зборуваше за недостаток на поддршка од семејството“.
Иако интервјуто ја откри траумата што Меган ја претрпела за време на нејзиниот престој во Лондон, говорот на телото на парот ја покажа нивната љубов и посветеност еден на друг во тешки моменти. Кога Меган го откри полот на второто бебе, Вуд забележува дека нејзината насмевка била искрена и дека војвотката изгледала среќна. Таа дури и се кикотеше.
За време на разговорите за расизмот во Бакингемската палата и желбата да се маргинализира Меган, парот се држеше за рака.
„Анализирав стотици фотографии од нив. Таа го гледа нејзиниот сопруг секогаш кога тој зборува. Ако има можност да се допрат, ќе го направат тоа. Луѓето веројатно се прашуваат каква е нивната врска сега. Тие се тука за еден за друг и се поддржуваат. Навикнати се да наоѓаат утеха еден во друг“, заклучи Вуд.
