Како што пренесуваат италијанските медиуми, во центарот на Рим се случи експлозија на автобус, и за сега, нема информации за повредени лица.
Автобусот експлодираше после пожар, што претставуваше сигнал за возачот веднаш да го испразни автобусот.
Полицијата и итните служби пристигнаа на местото на експлозијата, а според известувањето на медиумите огнот од експлозијата во еден момент се проширил во околните трговски центри.
Полицијата им препорача на жителите во околните згради да ги затворат прозорите, поради испуштање на евентуални отрови од експлозијата, од која се ширел црн густ дим.
Медиумите тврдат дека најголемата компанија за јавен превоз во Рим веднаш отворила истрага за да се утврдат причините за пожарот и експлозијата.
Инаку, ова е веќе седми инцидент од ваков карактер во Рим оваа година.