Украинската гранична служба и полицијата уапсија група на млади луѓе кои, како љубители на екстремен туризам, влегле во забранетата зона на Чернобил, област која најмногу беше погодена од најлошата светска нуклеарна катастрофа.
Станува збор за украински туристи, а граничната служба соопшти дека тие направиле административни престапи, кршејќи ги прописите поврзани за безбедност од радијација.
До сега, инаку, забележани се повеќе обиди за влез во забранетата зона, па така на 2 декември 2013 година беа упасени три лица во таква слична зона во Припјат, за потоа тие лица да бидат санкционирани со парични казни, соопшти полицијата од Киевскиот регион.
Катастрофата во четвртиот реактор во нуклеарната централа во Чернобил, се случи во раните утрински часови на 26 април, 1986 година, кога беа контаминирани повеќе од 200.000 квадратни километри земјиште, пред се во Украина, Белорусија и Русија.