Свет

Ел Чапо прогласен за виновен - доби доживотна затворска казна

12. февруари 2019 - 20:02 | К.З.

Американскиот суд, со помош на поротата, го прогласи Жоакин „Ел Чапо“ Гузман за виновен по сите обвиненија и го осуди на доживотен затвор. Гузман (61) е прогласен за виновен по 10 основи, меѓу кои и за вмешаност во трговија за дрога и организирање и водење на нарко-картел.

Еден од најбараните криминалци на 21 век, Ел Чапо, конечно ја дочека правдата. Исходот од тримесечното судење беше дека тој многу веројатно ќе го помине остатокот од неговиот живот во затвор со максимална безбедност.

Пред судот во Њујорк беа истакнати детали за неговите нелегални операции, начинот на кој бил вмешан во криминални активности, како и врските кои ги имал за да успее да има глобален ланец на трговија со дрога. Помеѓу доказите против него имаше огромен број слики и снимки од безбедносни камери, изјави на дилери, СМС-пораки, телефонски сметки и мејлови кои биле собирани во тек на повеќе години.

Приказните за злосторствата на Жоакин Гузман беа најшокантниот дел од судењето. Сведоците тврдеа дека тој го убил неговиот братучед бидејќи тој одбил да работи во картелот, сакал да сними филм за неговиот живот, а соработник на „Ел Чапо“ изјави дека често му биле донесувани малолетни девојки (некои од нив 13-годишни) за да ги дрогира и силува.

На крајот, „Ел Чапо“ беше осуден за нелегална трговија со огромни количини кокаин, принуда, перење на пари, трговија со оружје и беше прогласен за виновен за вмешаност во неколку убиства. Официјалната пресуда ќе биде соопштена на 25 јуни, и веројатно ќе добие доживотна затворска казна без можност за помилување.

Коментирај