Фудбал

„Ел Класико“ во Суперкупот, Барса го чека Реал

13. август 2017 - 10:17 | Макфакс

Првиот од четирите загарантирани „Ел Калсико“ дуели оваа сезона ќе се одигра вечерва на „Ноу Камп“ во Барселона. Каталонците ќе го пречекаат Реал во рамките на првиот натпревар во шпанскиот Суперкуп.

Новата сезона во Шпанија ќе биде отворена вечерва со дуелот помеѓу освојувачот на Купот на Кралот, Барселона и шампионот Реал Мадрид.

Реал, минатата сезона, по пауза од пет години ја освои шампионската титула, успеа да стане првиот тим кој ја одбранил титулата во Лигата на шампионите, а новата сезона ја започна со победата во Суперкупот на Европа. Во вторникот Реал, во Скопје, славеше над Манчестер Јунајтед со 2:1.

Од друга страна Барселона е разнишата по трансферот на Нејмар во ПСЖ за рекордна сум од 222 милиони евра.

„Ел Класико“, кога е Барселона во прашање е во сенка на активностите на клубот на трансфер пазарот. Барса очајнички се обидува да најде замена за Нејмар, но обидите да се донесат на „Камп Ноу“ Фелипе Кутињо и Осамн Дембеле барем засега се неуспешни.

„Заминувањето на Нејмар нема да се почувствува кај нив. Велите дека Барселона минува низ период на промени, но на крајот, Барса е Барса. Сите знаеме како играат, нивниот стил нема да се промени. Можат да заменат играч, реков веќе дека Нејмар е незаменлив. Нема да најдат играч како него, но ќе најдат некого кој целосно ќе им одговара. Ако мислите дека ќе ни биде лесно в недела, мислам дека се лажете“, рече на пресот во пресрет на дуелот Зинедин Зидан, тренерот на Реал.

Ова ќе биде 13 дуел на вечните ривали во Суперкупот на Шпанија. На претходните 12 Реал има шест победи, Барселона победила четири пати, а два натпревари завршиле без победник.

Дуелот помеѓу Барселона и Реал започнува во 22 часот, а реваншот ќе се одигра в среда.

Коментирај