Екраните на тач се голем двигател на модерното време, присутни секаде и речиси во секое парче модерна технологија. Група научници при универзитетот Carnegie Mellon направиле спреј кој може да ја претвори речиси секоја површина во тач сензор.
Станува збор за истата технологија која ви овозможува да катапултирате налутени птици кон група прасиња. И спрејот и вашиот телефон се обвиени во електрично поле. Полето е мало, но се шири неколку милиметри од секоја направа. Со секое движење на прстот се абсорбира мал дел од тоа поле и ја менува перспективата на тоа место.
Спрејот Electrick користи низа на електроди кои се шират преку целата површина и создаваат еден вид невидлива мрежа. Компјутер кој е поврзан во системот може да лоцира каде се движите според промените во електричното поле. Овој систем е далеку помалку прецизен од iPhone, но никој не очекува да направите iPhone од конзерва, а сепак Electrick може да претвори огромно парче гипс картон во тач скрин.
