Италијанската актерка Моника Белучи повторно го привлече вниманието појавувајќи се на настан на брендот Cartier во Дубаи.
За овој престижен настан Моника избра црн фустан од најновата колекција на Balenciaga, кој е совршен спој на софистицирана елеганција и заводлива сензуалност. Фустанот од чипка што ја следеше линијата на нејзиното тело создаде заводлив, но софистициран изглед.
Целокупниот изглед го комплетираше со едноставна шминка и пуштена коса, дополнително истакнувајќи ја нејзината природна убавина и шарм.
За да го заокружи својот совршен стајлинг, избра ѓердан на Cartier.
Моника Белучи овојпат не само што шармираше со својот изглед, туку реши да направи храбар чекор и да ја смени бојата на косата. Таа со години беше позната по темната коса, но овој пат реши да го освежи изгледот и да се одлучи за топла нијанса на лешник.
На настанот ја придружуваше нејзиниот партнер Тим Бартон, а парот им позираше на насобраните фотографи. За потсетување, славниот пар веста дека се во врска со месеци ја чуваше во тајност, но Моника ја потврди нивната љубов во јуни 2023 година.
