Блејк Лајвли уште еднаш воодушеви со својот моден избор на прес-турнејата за нејзиниот претстоен филм, продолжението на црната комедија „A Simple Favor“.
Својот стајлинг актерката овој пат го усогласи со мотиви од филмот каде носеше чанта во форма на мартини.
Со оглед на тоа што ликот Емили Нелсон е познат по нејзината љубов кон мартини, Блејк реши да го подигне нејзиниот портокалов капут и соодветните панталони на следното ниво со чанта во форма на мартини.
Чантата е дизајн на њујоршкиот бренд Judith Leiber, а брзо дознавме дека станува збор за ексклузивна коктел чанта од нивната couture колекција.
Блејк ја носеше варијантата Martini Twist, која моментално е распродадена, но инаку може да се купи за 5.795 долари.
Високата цена се оправдува со тоа што чантата е рачно изработена во Италија, со метални детали во сребрена боја, а внатре има мало огледало што го олеснува дотерувањето на шминката додека сте во движење.
