Американскиот производител на електрични возила Rivian ја претстави новата функција - вртење на возилото во место.
Rivian помина голем пат во текот на само една година.
Од анонимна стартап компанија која во ноември 2018 година претстави два електрични прототипа – SUV и камионет на струја – прерасна во познато име во автомобилскиот бизнис, благодарение на инвестициите од Amazon (700 милиони долари) и Forda (500 милиони долари).
Еден од двата досега прикажани електрични модели на компанијата е Rivian R1T, пикап што работи на четири електромотори, секој за по едно тркало.
Благодарение на ваквата погонска конфигурација, возилото може да изведе еден несекојдневен маневр – да се врти во круг во место.
Погледнете ја презентацијата на оваа функција која поради сличноста со тенковското маневрирање, Rivian ја заштити во Заводот за патенти на САД под ознаката Tank Turn.
Производителот наведува дека функцијата Tank Turn ќе биде достапна само кога возилото се движи по земјен пат или калдрма, бидејќи при обид да се врти во место на асфалт или слична подлога може да дојде до оштетување на погонските електромотори.