Автомобили

Електрични верзии на сите автомобили на „Volkswagen“ до 2030 година

12. септември 2017 - 10:49 | М.Д.

Германскиот производител на автомобили „Volkswagen“  најави дека до 2030 година ќе понуди електрични верзии на сите свои 300 модели.

Оваа компанија најави дека ќе понуди електрични или хибридни верзии за секој модел од своите 12 марки - „Ауди“, „Порше“, „Шкода“, „Сеат“ и останатите, во што ќе бидат инвестирани 20 милијарди евра, извести директорот на компанијата Матијас Милер.

„Наша обврска е до 2030 година да ги направиме сите возила електрични. Сметам дека сме на добар пат“, истакна Милер, воочи отворањето на Саемот за автомобили во Франкфурт.

Меѓутоа, овој германски гигант нема сам да ги произведува батериите за автомобили, туку тоа ќе се одвива по нарачка, што до 2030 година ќе го чини дури 50 милијарди евра.

„Volkswagen“  до 2025 година ќе понуди 80 нови електрични автомобили, односно 50 од нив со 100 отсто електричен погон, додека 30 со комбиниран, хибриден.

Коментирај