Германската автомобилска компанија „Volkswagen“ веќе подолго им нуди на нивните потрошувачи електрични верзии од скоро секој модел кој е во сериско производство со конвенционален мотор. Но, нивните модели во иднина нема да бидат произведувани со истата платформа како досега.
Имено, досегашниот мотор кој го користеа електричните модели на „Volkswagen“ е веќе застарена технологија и стариот модел на мотор ќе биде заменет со нова технологија. Со новата Modular Electrification Toolkit (MEB) платформа, „Volskwagen“ ќе може да произведува автомобили кои со едно напојување ќе можат да поминат помеѓу 400 и 600 километри.
Значителен напредок се очекува компанијата да забележи по 2020 година, кога на пазарот ќе се појави првиот модел од семејството I.D.
Тоа значи дека e-Golf верзијата, која во моментов е најнова на пазарот, ќе биде и последна произведена во електрична верзија на популарниот модел. Осмата генерација на Golf ќе биде произведена само со мотор со внатрешно согорување. Сепак, хибридната верзија и натаму останува како можна верзија да се појави на пазарот.
Претставувањето и производството на компактниот I.D. модел ќе следи еден месец по промовирањето на осмата генерација на Golf-от.
