Компанијата Volkswagen планира да го претстави робусниот електричен SUV во 2023 година.
Гласините за новиот SUV велат дека тој е во прелиминарната фаза на развој, така што некои работи можат да се променат додека да пристигне на пазарот.
VW наводно развива две верзии од т.н. Ruggdzz, едната е долга 4,6 метри и има пет седишта, а другата верзија е малку подолга и нуди доволно простор за третиот ред на седиштата. Подолгата верзија ќе се продава во Кина и Северна Америка.
Autocar наведува дека оние коишто го виделе дизајнот на електричниот SUV има широка маска, правоаголни светла и рамен кров. Исто така, електричниот SUV радикално се разликува од актуелниот модел ID.4 и има специјален C столб со стаклен панел.
Ruggdzz е базиран на MEB платформата која дебитираше минатата година, а ќе се нуди со погон на сите четири тркала. Најверојатно ќе се појави уште една верзија од електричниот SUV вклучувајќи го екстремниот модел со голем клиренс, светла на кровот и други оff-road карактеристики.
