Покрај спортскиот M2 Competition, BMW во главниот град на Кина ќе го претстави и електричниот SUV концепт на моделот X3.
Баварскиот произведувач ја најави премиерата на ова возило со краток тизер, кој открива дека iX3 Concept ќе има нешто поинаква предна маска, во однос на онаа на која сме навикнати да ја гледаме на BMW автомобилите.
Класичната маска е заменета со нова, со што BMW сака да нагласи дека станува збор за возило со потполно поинаков вид на погон.
Кога станува збор за каросеријата, iX3 е базиран на стандардното BMW X3, со одредени стилски и функционални детали, по кои визуелно ќе се разликува од конвенционалниот погонски систем.
Техничките детали и спецификациите на електричниот погон за сега не се познати, па за повеќе информации ќе мораме да почекаме до 25 април, односно до почетокот на саемот на автомобили во Пекинг.
BMW најави дека продукцискиот iX3 во продажните салони ќе се најде во 2020 година.
