Резултатите на едно најново истражување покажаа дека популарните е-цигари со патрони тутун се подеднакво лоши за срцето колку и обичните цигари.
Истражувачите во текот на експериментот изложувале експериментални глувци на „пареата“ од ваквите уреди и испитувањата покажале дека функцијата на нивните крвни садови се намалила дури за 60%. Тоа е речиси исто колку и кај луѓето, кај кои е докажано дека една обична цигара ја намалува функцијата на крвните садови за 62%.
Функцијата на крвните садови се одредува со проценка на способноста да се прошират како одговор на зголемен проток на крв и претставува мерило за здравјето на срцето.
Популарните електронски уреди со патрони тутун го загреваат тутунот наместо да го согоруваат, со што се елиминираат шетните материи што ги внесуваат пушачите со обичните цигари. Меѓутоа, за разлика од електронските цигари, овие со патрони тутун содржат никотин за да ја задоволат никотинската потреба на пушачите.
Резултатите од истражувањето беа презентирани на конгресот на Американското здружение за кардиологија во Калифорнија.
