Фудбалскиот клуб Наполи постигна договор со Фенербахче за трансферот на македонскиот фудбалер Елиф Елмас.
Како што пренесуваат италијанските медиуми, деталите за трансфер се прецизирани, а играчот ќе се појави во Неапол за медицински прегледи.
Наполи ќе одвои околу 15 милиони евра за услугите на 19-годишниот македонски фудбалер, плус некои бонуси кои ќе му следат на турскиот клуб.
Елмас тргна од Работнички, а во 2017 година се пресели во турскиот гигант Фенербахче, каде што покажа одлична игра.
Тој игра во средината на теренот и се очекува да го замени Амада Дијавара во Наполи, кој беше продаден на Рома.
Ова ќе биде втор трансфер ова лето за клубот од Сицилија, откако веќе беше донесен Костантинос Манолас од Рома за 35 милиони евра.
Елиф на овој начин ги следи стапките на уште еден истакнат македонски фудбалски репрезентативец, Горан Пандев, кој на 6 јуни, 2012 година направи постојан трансфер од Интер во Наполи.
Пандев моментално игра за Џенова.