Во изминатите десет години, благодарение на многу истражувања, цвеклото го достигна статусот на суперхрана, а неговата најздрава форма е сокот од цвекло – нешто што ќе го најдете во секој план за исхрана.
Докажано е дека сокот од цвекло има висока хранлива вредност, ја поддржува функцијата на црниот дроб и е добар за слабеење.
Овој сок има малку калории и речиси и да нема маснотии, па нутриционистите го сметаат за одлична опција за утринско смути. Тоа ќе ви даде хранливи материи и енергија за да го започнете денот.
Истражувачите откриле дека луѓето кои пијат 250 милилитри сок од цвекло дневно го намалуваат систолниот и дијастолниот крвен притисок. Се смета дека причината се нитратите, соединенија во сокот од цвекло кои се претвораат во азотен оксид во крвта и помагаат во проширување и опуштање на крвните садови.
Вистина е - многу луѓе не сакаат цвекло или имаат аверзија кон вкусот на цвекло. Но, тоа не значи дека овој сок не може да стане еден од вашите омилени пијалоци.
Сокот од цвекло е вистински еликсир за црниот дроб и побага за подобрување на неговата функција. Богат е со антиоксиданси и помага за чистење на крвта. Исто така промовира здрава функција на црниот дроб помагајќи да се разградат токсините.
Ако не ви се допаѓа вкусот на чисто цвекло, пробајте го овој сок чии состојки ќе го прикријат типичниот земјен вкус на цвеклото.
1 средно цвекло
1 морков
1 лажичка свеж ѓумбир
½ портокал
½ зелено јаболко
Ставете ги сите состојки во блендер и испијте го сокот во текот на првата половина од денот.
Сите состојки се постојано достапни на нашите пазари за свежа храна, а според средните цени по килограм и земајќи ги предвид потребните количини, овој еликсир ќе ве чини само 57 денари дневно.
