Британското Министерство за одбрана утринава објави нов извештај на военото разузнавање, во кој се опишуваат неуспесите на елитните десантни единици на Русија.
Елитните воздушнодесантни единици на Русија, попознати како VDV, претрпеа големи загуби од почетокот на војната, се вели во извештајот.
Единицата, која содржи околу 45.000 војници, била вклучена во неколку „значајни тактички неуспеси“, пишува британското разузнавање.
„Тука се вбројува обидот за напад врз Киев преку аеродромот Хостомел во март, застојот на напредокот под Изум од почетокот на април и неодамна неуспешниот и скап обид да се премине реката Доњецк кај Сиверски“, се вели во извештајот.
„Претрпеа големи загуби“
„VDV беа испратени во мисии за кои би било подобро да се користи потешка оклопна пешадија и претрпеа големи загуби за време на војната“, се вели во извештајот.
„Неуспешните мисии на таа единица веројатно ќе ги овековечат стратешките грешки во користењето на тој ресурс и неуспехот на руските сили да обезбедат надмоќ во воздухот“, се вели во извештајот.
„Погрешната примена на VDV ја одразува лошо избалансираната ситуација во руската војска, и покрај 15-годишните големи инвестиции“, заклучуваат британските разузнавачи.
