Најдолговечната британска кралица Елизабета Втора почина минатиот четврток на 96-годишна возраст, а илјадници луѓе уште се збогуваат со кралицата на различни начини и истакнуваат детали од нејзиниот живот кои ќе ја паметат.
Еден од деталите од долгото владеење на кралицата се однесува на кралскиот протокол, за кој е познато дека се придржуваат сите членови на кралското семејство во секое време, особено кога се во јавност.
Сепак, британските медиуми наведуваат дека Елизабета Втора за првпат решила да го стави тој протокол настрана на денот на погребот на принцезата Дијана.
Принцезата Дијана почина во 1997 година, а на денот на нејзиниот погреб, кралицата излезе пред Бакингемската палата за да се придружи на толпата луѓе кои го придружуваа ковчегот на Дијана на пат кон Вестминстерската опатија.
Додека ковчегот поминуваше покрај неа, и покрај тоа што е спротивно на сите правила, кралицата ја наведна главата за прв и единствен пат во животот. Оваа сцена може да ја видите на 3:33 на оваа снимка од денот на погребот на принцезата:
Алберто Анџела, кој беше водител на документарната серија „Ulisse“, рече дека смртта на Дијана бил „еден од најдлабоките моменти“ за Кралицата.
„Ние сме пред портите на Бакингемската палата, се знае дека пред кралицата, која е симбол на националното единство, сите ќе се поклонат. Но тој ден Елизабета ја наведна главата во знак на почит кога помина ковчегот на Дијана, жената која повеќе од кој било друг им пркосеше на конвенциите на палатата“, објасни тој.
Анџела рече дека да се види Кралицата со наведната глава била една од „најмоќните глетки“ на ерата.