Македонскиот репрезентативец и играч на Торино, Елиф Елмас, синоќа одигра цел натпревар против Велшаните, а по мечот ги кажа неговите импресии од овој дуел со трилер завршница.
„Знаевме дека ќе биде тежок натпревар бидејќи игравме против квалитетна селекција. Знаевме како играат и затоа игравме тактички дисциплинирано, односно се боревме до последен момент. Искрено, многу ми е жал, затоа што последни 30 секунди да примиш таков гол... Испуштивме големи 3 бода, но има уште да се игра. Сега можеме само да одиме дома, да се одмориме и да се спремиме. Нѐ чекаат два натпревара коишто се важни, со Белгија и Казахстан. Со ладни главци и се надевам само на поволни резултати“.
