Австралија отвора своја национална вселенска агенција за да развие сопствена вселенска индутрија, соопшти владата.
Ова е единствената развиена земја во светот што уште нема своја вселенска агенција. Министерката за стопанство Мишелија Кеш рече дека за Австралија е од клучно значење да оствари напредок во брзорастечката глобална вселенска индустрија.
Деталите ќе бидат објавени на Меѓународниот астронаутски конгрес во Аделаида што се одржува од денеска до 29 септември.
На конференцијата ќе бидат присутни илјада глобални експерти за вселената, вклучувајќи ги шефовите на други национални агенции и приватни компании, како шефот на „SpaceX“, Елон Маск кој се очекува да одржи и предавање.
Австралиската влада процени дека годишната вредност на глобалната вселенска индустрија изнесува 420 милијарди автсралиски долари. Автралиската вселенска индустрија ќе произведува околу 4 милијарди австралиски долари годишно и ќе вработува 11.500 луѓе.