Американското Министерство за правда покрена истрага за Елон Маск и неговата компанија, пренесува Guardian.
Во последно време Маск е под голем притисок поради непопуларните изјави на Twitter, но и поради неисполентиот раст на темпото на производство на Model 3. Истрагата е покрената на основа на неговите изјави и твитови за минатомесечниот план за приватизација на компанијата Tesla и целта да ја тргне од берзата. Идејата не се оствари, но акциите на Tesla тогаш паднаа за 7%.
Оттогаш, вредноста на Tesla на берзите падна за една третина, со што 18 милијарди долари „исчезнаа“ низ продажба на акции. Маск првин кажа дека има осигурано средства за гасење на акционерскиото друштво, но потоа испадна дека нема. Официјално, тој се откажа од идејата за приватизација откако акционерите го разубедиле од намерата.
Компанијата соопшти дека Министерството доставило барање за отстапување документи, но не се известени за било какви повици за сведочење или дека во тек е некој формален процес.
