Елон Маск претстави дел од неговата визија за иднината во презентацијата за неговата нова компанија за копање тунели The Boring Company.
Генералниот директор на компанијата Tesla Motors откри нови детали за неговиот футуристички проект за копање тунели, во презентацијата на конференцијата TED.
Најновиот проект на Маск што го предводи инженерот на SpaceX Стив Дејвис се однесува на градење на подземна мрежа тунели во Лос Анџелес што ќе транспортира автомобили на електрични носила. Носилата ќе ги носат автомобилите низ тунелите со максимална брзина од 200 км/ч.
За време на говорот на TED тој ја покажа првата визуелизација на пректот и рече дека во подземната мрежа ќе има и до 30 нивоа во кои ќе се движат и сместуваат автомобилите, како и Hyperloop, неговиот нов изум за масовен транспорт на луѓе.
The Boring Company моментално прави демо тунел на паркингот на компанијата SpaceX, но ќе ѝ требаат дозволи од градот Лос Анџелес за да гради надвор од границите на имотот на компанијата.
Копањето на тунелите е злогласено скап процес. Компанијата смета дека ќе ги намали трошоците така што ќе направи машина што ќе може да копа и да поставува носечки столбови и ѕидови во исто време, рече Маск и додаде дека според него во ова лежи иднината на луѓето.
