Tesla ја зголемува цената на опцијата self-driving во своите автомобили ширум светот, почнувајќи со поскапување од 1.000 долари.
Основачот на американската компанија за електрични возила, Елон Маск, на Twitter соопшти дека цената за оваа опција ќе продолжи за расте со подобрувањето на технологијата што овозможува автомобилите да бидат самовозечки.
Опцијата „full self-driving“ (FSD) во автомобилите на Tesla се нарекува Autopilot, но не е целосно автономна. Autopilot има неколку карактеристики, како автоматско менување ленти, паралелно паркирање и враќање на автомобилот на местото од каде тргнал пред паркирањето. За во иднина се најавува автоматско реагирање на светлата на семафорите.
Опцијата за самовозење ќе чини 8.000 долари од 1 јули.
Tesla беше под истрага на регулаторните тела во САД откако возач загина кристејќи ја опцијата Autopilot во 2018 година. Истрагата покажа дека возачот играл видеоигра на неговиот смартфон во моментот на судирот.
Најпродаваниот модел Tesla Model 3 сега се продава по цена од 33.690 долари во САД за основниот пакет. Со опцијата Autopilot овој модел би чинел 40.690 долари.