Компанијата Tesla и понатаму се бори да стане масовен произведувач на автомобили, но компанијата неодамна исполни една од своите цели од планот од 2012 година и дојде до бројка од вкупно 300.000 произведени возила.
Пред шест години Елон Маск постави план од десет точки, меѓу кои се изработка на Моделот Х и Моделот 3 и прототип Roadster, односно достигнување до 100.000, 200.000 и 300.000 произведени единици.
Во сенка на бавното производство на Моделот 3 помина веста дека Tesla ја достигна бројката од 300 илјади произведени возила, па остана неисполнета само една цел на Маск, а тоа е раст на бруто приходот (вкупната продажба минус трошоците) од 40 проценти во четири години по ред.
Во меѓувреме, Маск чека одлука на акционерот на компанијата (21 март), околу предлогот до 2018 година да работи без плати и бонуси како директор на Tesla, но ако оствари неколку цели, за кои многумина сметаат дека се нереални, добива бонус од дури 55 милијарди долари.
Главна цел е компанијата за десет години да достигне вредност на пазарот од 650 милијарди долари со приход од 175 милијарди годишно.
Моменталната вредност на Tesla на пазарот е околу 60 милијарди долари.
