Елон Маск започна нов проект со неговата нова компанија Neuralink, која работи на спојување на компјутер со човечкиот мозок.
Станува збор за имплантација на одредени електроди во човечкиот мозок кои еден ден би можеле да ги преземат човечките мисли. Откако оваа вест почна да се шири на интернет, Маск на Twitter објави дека во текот на следните денови ќе открие повеќе детали за проектот.
Главната задача на новата компанија ќе биде остварување комуникација меѓу човечки мозок и компјутер. Тоа би послужило како директна комуникација со електронските уреди или би ги проширило можностите на мозокот. Маск за ова зборуваше минатата година кога објасни дека тоа би се остварило со дополнителен слој поставен на мозокот.
