Вашингтон, 16 јули 2018 (МИА) - Основачот на компанијата Space X одговори гневно на критиките што стигнаа на негова адреса од британскиот нуркач Верн Ансворт, еден од спасувачите на децата што беа заглавен повеќе од две недели во пештера во северен Тајланд.
Како што објави „Холивуд репортер“, во текот на подготовките за извлекување на децата од пештерата, Ансворт на својот профил на Twitter го критикуваше планот на Маск за спасување на момчињата со помош на мини-подморница нарекувајќи го „PR трик“ и му порача на милијардерот „да си ја напика подморницата таму каде што боли“.
Во одговор до нуркачот, Маск напиша дека ниту еднаш не го видел „овој британски бегалец“ на местото на настанот и му порача да покаже видео од спасувањето на учениците.
- Знаеш, не се мачи да покажуваш видео. Ние ќе направиме една кога мини-подморницата ќе го помине целиот пат во пештерата. Извини, педофил, сам си го бараше, напиша Маск.
Тој не објасни што сакал да каже со објавата и подоцна го избриша својот твит.
Минатата недела Маск лично ја достави мини-подморницата за евакуација на момчињата и тренерот од пештерата, но спасувачите на сакаа да ја употребат.
Од 8 до 10 јули нуркачите успеаја да ги спасат 12-те момчиња и нивниот тренер од пештерата.
Ансворт најави дека ќе го тужи Маск за клевета, а интернет корисниците бурно реагираа на коментарите на Маск и го критикуваа дека тоа не му доликува на еден иноватор и светски познат бизнисмен.
