Елон Маск присуствувал на контроверзна забава во домот на еден инвеститор од Силициумската долина, која е опишана како „секс оргија“, потврдија неговите претставници и додаваат дека Маск си заминал пред да почнат наводните оргии.
Откако во јавноста се појавија делови од книгата во која новинарката Емили Чанг детално ја опишува журката која се одиграла во јуни 2017 година, велејќи дека на неа се појавил Елон Маск, кој уживал во дрогите и отвореното сексуално однесување.
Журката наводно се одиграла во домот на еден инвеститот, а во еден друг блог на претприемачот Пол Бигар исто така се пренесува дека Маск присуствувал на забавата, но дека не правел ништо невообичаено.
Во соопштение за „Business Insider“, тимот на Елон Маск потврдува дека тој се појавил на забавата со неколку претприемачи, а негов личен впечаток бил дека е во прашање корпоративна забава, а не „секс журка“, ниту пак имало индиции дека ќе се претвори во такво нешто се додека тој бил присутен, поточно се до 1 часот по полноќ.
„Елон бил на забавата неколку часа и заминал во 1 часот, откако зборувал со неколку инвеститори околу технологијата и новите компании. Додека бил присутен ништо чудно не се случувало“, стои во соопштението.
Бигар, кој ја напуштил журката на полноќ вели дека не видел никаков секс.
„Ниту видов секс, ниту видов дроги. Си заминав на полноќ, не претпоставував дека е во прашање секс-журка, ми беше досадно и си заминав“, вели тој.
Од друга страна, една анонимна жена сведочеше за книгата на Емили Чанг, претставувајќи се како Џејн Доу:
„Џејн беше на подиумот со два пара, вклучувајќи еден маж претприемач и неговата сопруга. Како што одминуваше времето неколку луѓе почнуваа да се дават меѓусебно. Еден претприемач и понуди на Џејн бел путер во пластична кесичка. Стануваше збор за моли (МДМ). И рече дека ќе се чувствува опуштено и дека ќе и се допаѓаат неговите допири“, пишува во книгата.
