Вежбањето може да помогне во борбата против некои штетни биолошки процеси поврзани со зголемувањето на телесната тежина. Без оглед на вашата тежина редовната физичка активност е од особена корист.
Холандското истражување објавенo во Daily Mail под контроверзниот наслов ‘Ем дебели, ем здрави’ потврдило дека физичката активност може да помогне во избегнувањето на кардиоваскуларните болести поврзани со дебелината. Сепак ова истражување, кое опфатило 5.344 луѓе на 55-годишна возраст и постари, не отишло до таму да ја негира појавата на дијабетес тип 2 и некои видови на рак кај луѓето со прекумерна телесна тежина, но дошло до следниве заклучоци:
- Луѓето со здрава телесна тежина и доста активен физички живот уживаат најмал ризик од срцев или мозочен удар.
- Луѓето со прекумерна телесна тежина, но луѓе кои се физички активни, се соочуваат со еднаков ризик како оние со здрава телесна тежина кои редовно вежбаат.
- Истражувањето ги вбројува луѓето кои патат од прекумерна телесна тежина и нездрави животни навики во најризичната група.
Воведувањето неколку вежби како дел од вашата рутина е секогаш од корист, но кога би вложиле дополнителен напор да постигнете здрава телесна тежина тогаш ќе ги зголемите придбивките од вежбањето.