Конечно, Ема Стоун влезе во тип на улога што не ја играла досега – негативец во секоја смисла на зборот.
Disney само што го објави трејлерот за „Cruella“ – филм за легендарната негативка од „101 Dalmatians“ Круела де Вил, а Стоун совршено се вклопува во улогата.
Стоун ја игра Круела „без кочница“, со сите нејзини екцентричности, воспоставувајќи се како жена со која не сакате да си имате работа, уште помалку расправија.
Оскаровката претходно има изјавено дека за неа Круела е „панк рок“. Дејството во филмот е сместено во 70-тите во Лондон, а естетиката изобилува со модни комбинации излезени од пистата на ревија на висока мода.
Режијата е на Крег Гилеспи, а останатите улоги ги играат Ема Томпсон, Пол Волтер Хаузер и Џоел Фрај.
Премиерата се очекува на 28 мај.
