Еми Мартинес не може да си го контролира темпераментот

Аргентина беше поразена на гостувањето против Колумбија, а во центарот на вниманието повторно беше голманот на аргентинската репрезентација Емилиано Мартинес.

Аргентинскиот голман Емилиано Мартинес е познат по однесување кое често ги надминува границите на пристојноста. И повторно направи скандал.

Колумбија оствари голема победа против светскиот шампион, славеше со 2:1 и значително ги зголеми шансите за освојување на Светското првенство кое во 2026 година ќе се одржи во САД, Мексико и Канада.

Блескаше Хамес Родригес кој неодамна стана играч на шпански Рајо Ваљекано, тој беше асистент и стрелец на овој меч. Но, наместо за неговата партија, се зборува за нов скандал во режија на Мартинес.

Чуварот на мрежата на „гаучосите“ не можеше да го поднесе поразот, а гневот го исфрли пред камера. Имено, кога камерманот се доближa до Емилиано, тој реши да ја удри и да ја сврти во друга насока.

Не му е првпат, а ни вторпат да се однесува недолично.