Голманот на аргентинската репрезентација, Емилиано Мартинес, денеска се извини за своето навредливо однесување и истакна дека во иднина ќе се фокусира на освојување титули со репрезентацијата и со Астон Вила, пренесуваат британските медиуми.
На 28 септември ФИФА го суспендираше аргентинскиот голман на 2 натпревара поради навредливо однесување и прекршување на принципите на фер-плеј. Минатиот месец, по натпреварот против Колумбија (1:2) во квалификациите за Мундијалот 2026, Мартинес удри во една од камерите.
Поради суспензијата ќе ги пропушти наредните мундијалски квалификациски натпревари против Венецуела и Боливија.
„Ја прифаќам санкцијата од ФИФА и се извинувам ако некого навредив, славењето треба да им носи насмевки на децата и да не омаловажува никого. Ќе ги поддржам моите пријатели на овие ФИФА натпревари со болка што не можам да бидам со нив. Никогаш не ми беше намера да не почитувам било кого, ниту пак знаев дека гестот ќе биде кој е добро примен од луѓето е навредлив, но ќе направам сѐ за повеќе да не навредам никого и ќе се фокусирам само на освојувањете титули со Аргентина и Астон Вила“, напиша Мартинес на Instagram.
Мартинес (32) е член на Астон Вила од 2020 година. Го освои Светското првенство во 2022 година со Аргентина, како и Копа Америка во 2021 и 2024 година.
