Ѕвездата на „Game of Thrones“ е новото заштитно лице на парфемот на Dolce & Gabbana наречен „One“.
Dolce & Gabbana ја избрале Емилија Кларк, актерката која ја игра улогата на Калиси во популарната серија на HBO, а нејзиниот колега Кит Харингтон веќе е заштитно лице на машката верзија на парфемот, „One For Men“.
„Емилија Кларк совршено ја отелотворува жената Dolce & Gabban: таа е блескава и полна со живот“, велат дизајнерите Доменико Долче и Стефано Габана.
Тие истакнуваат дека нејзиниот карактер и природна убавина ќе ја доловат сржта на новата кампања што промовира радост, спонтаност и љубов кон животот.
Парфемот ќе биде промовиран во септември.
