Славниот рапер Еминем на социјалните мрежи се пофали дека е трезен полни 10 години.
Раперот објави фотографија на која држи монета, која е симбол на десетгодишниот поминат пат во здружението на Анонимни алкохоличари, а трезен е од 2008 година од кога не консумира ниту алкохол, ниту лекови против болки.
Еминем дури во 2011 година зборуваше јавно околу зависноста од лекови, кои придонеле за да загуби добар дел од помнењето, а посебно лекот Амбиен, поради што не објавуваше ниту пишуваше музика цели четири години.
Во тој период тој пиел по 60 валиуми и 30 викодини дневно.
„Докторите ми рекоа дека количината на метадон која ја пиев во 2007 година е еднаква на четири дози хероин. Ми рекоа дека сум на два часа од смртта“, раскажуваше тој тогаш.
Еминем оваа година го објави новиот албум „Revival“ и доби само позитивни критики.
