Емотивен проштален говор на Обама: Демократијата е на испит

Американскиот претседател Барак Обама, во својот проштален говор, изјави дека САД се соочуваат со голем испит за својата демократија, а Американците ги повика да се борат за американските вредности и да ја отфрлат дискриминацијата.

„Демократијата бара чувство на солидарност. И покрај разликите, во ова сме влезени сите заедно. Се воздигнуваме и паѓаме како еден“, истакна Обама во својот емотивен говор, на моменти и низ солзи.

Обама кој претседателската функција ја вршеше во два мандати потенцираше дека Америка е „подобра и посилна“ од пред осум години кога стана претседател.

„Да, ние тоа го направивме“, кажа Обама, алудирајќи на паролата „Да, ние тоа го можеме“, која ја кажа во ноќта кога победи на изборите.

Претседателот во заминување својот говор го одржа пред 18.000 луѓе во родниот град Чикаго, каде во 2008 година ја прослави победата на претседателските избори.

Тој се осврна и на борбата против тероризмот, наведувајќи дека биле елиминирани илјадници терористи, меѓу кои и Осама бин Ладен.

Обама ги повика луѓето да бидат внимателни, но да не се плашат.

„Исламската држава ќе се обиде да убива невини луѓе. Но тие не можат да ја поразат Америка, а тоа единствено може да се случи ако не го почитуваме нашиот Устав и нашите принципи во борбата“.

На ривалите Русија и Кина, Обама им порача дека не можат да се мерат со влијанието кое Америка го има во светот.

На незадоволството од публиката што Доналд Трамп ќе ја преземе власта, Обама кажа: „Не, не, не, не. Мирниот пренос на власта помеѓу претседателите е заштитен знак на американската демократија“.

Сепак тој предупредил дека постојат работи кои и се закануваат на американската демократија, меѓу кои се економската нееднаквост и расната поделба.

Во говорот тој низ солзи им се заблагодари на ќерките и сопругата Мишел, која ја нарече „мојот најдобар пријател“.

Обама му се обрати и на потпретседателот Џозеф Бајден, истакнувајќи дека него прв го одбрал кога стапувал на функцијата е дека тоа е најдобриот избор кој го направил. На Американците им порача дека секој ден од нив учел нешто ново.

„Направивте да бидам подобар претседател, подобар човек“, заклучи Обама.

Барак Обама на 20. јануари ќе му ја предаде функцијата на новоизбраниот претседател Доналд Трамп.

реклама

Зошто треба да ставите алуминиумска фолија зад рутерот?

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Едноставен и брз метод: Белите патики повторно ќе изгледаат како нови

Read more

Како е поврзано пиењето кафе со ракот на дебело црево?

Read more

Свет

Израел ја нападна Сирија: 38 загинаа во Алепо, меѓу кои и членови на Хезболах

Read more

Лавров: Украинскиот план е бесмислен, вклучува повлекување на нашата армија од освоените територии

Read more

Огромна дупка во Рим проголта два автомобила

Read more

Во Франција за Велигден ќе биде распоредена полиција пред секоја црква

Read more
 

Вести

Притвор од 48 часа за две лица кои се задржани по убиството на лекарот во Железара

Читај повеќе

ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови

Читај повеќе

Силен земјотрес ја погоди Бугарија

Читај повеќе

Израел ја нападна Сирија: 38 загинаа во Алепо, меѓу кои и членови на Хезболах

Читај повеќе

Лавров: Украинскиот план е бесмислен, вклучува повлекување на нашата армија од освоените територии

Читај повеќе

Без струја дел од Карпош

Читај повеќе

Сончево и топло време со температура до 27 степени

Читај повеќе
  • play_arrow

Огромна дупка во Рим проголта два автомобила

Читај повеќе

Госпоѓиците од Авињон на сцената на Националната опера и балет

Читај повеќе