Фотографија од прегратка меѓу горила и човек, кој и го спасил животот, беше прогласена за фотографија на годината.
Фотографката Џон-Ен Мекартур ја направила оваа фотографија во Камерун, за време на префлувањето на горилата Пинкин од заробеништво во прифатилиште за животни.
Пинкин ја заробиле ловци кои сакале да ја убијат и продадат, но за среќа во последен момент се вмешала хуманитарната асоцијација „Ape Action Africa“.
Ловот на примати е голем проблем во Камерун, каде ловците убиваат животни за да го продаваат нивното месо во земјата и во странство.
Бебињата горили често остануваат сирачиња, откако ги убиваат нивните мајки или ги продаваат како домашни миленичиња.
Пинкин сега добил нов дом, во рамките на безбедно шумско прифатилиште.
Сликата била направена во моментот кога Пинкин се разбудил за време на трансферот и тоа во рацете на човекот кој ја спасил Аполинар Ндоудуа, со кого оваа горила развила емотивно добар однос.
Како и Пинкин, и Аполинар бил принуден да го напушти својот дом и да побегне од граѓанска војна. Кога го обновил својот живот во Камерун, се одлучил да и се посвети на работата на заштита на диви животни.
Џо-Ен успеала да го фати моментот од заедничкото патување на Аполинар и горилата Пинкин, а оваа слика е прогласена за најдобра фотографија на годината, која ја избрала публиката на натпреварување во Природнонаучен музеј.