УЕФА дозволува, Црвена звезда сака, но срските власти не даваат публика да има на „Маракана“ кога ќе дојде Милан.
Натпреварот од нокаут фазата во Лига Европа помеѓу белградска Црвена звезда и лидерот во Калчото, Милан, е закажан за 18 февруари на „Маракана“. УЕФА им дозволи на сите учесници да пуштат одреден број на гледачи на трибините, што ги израдува и навивачите на Звезда, како и бројните симпатизери на „Росонерите“ во регионот.
Сепак, сега проблем прават српските власти, поточно тамошните епидемиолози кои јасно ставија дознаење дека натпреварот може да се одигра само пред празни трибини.
Според правилата на УЕФА, на „Маракана“ е дозволено да има максимум 30% исполнетост на капацитетот, што е 17.500 гледачи.
„Ќе видиме, но тоа е нереално“, кратко изјави д-р Предраг Кон, член на кризниот штаб за борба против COVID-19 во Србија.
Од клубот, пак, најавија дека наскоро планираат да пуштат карти во продажба бидејќи се оптимисти дека ќе биде дозволено барем мал број на гледачи.
Во Србија моментално има 355.136 активни случаи, а во последната статистика објавена синоќа беа регистрирани нови 1.592 заразени и 21 починат. Досега починаа вкупно 3.965 лица како последица од вирусот.
