Свет

Епстин веројатно бил убиен, вели приватен вештак

31. октомври 2019 - 9:51 | МИА/КАЈГАНА

Причината за смртта на продуцентот Џефри Епстин наверојатно е убиство, а не самоубиство, смета патологот форензичар Мајкл Бејден.

– Некои од повредите на Епстин имаат повеќе знаци на убиство со давење, отколку на самоубиство, гласи неговото мислење.

Тој вели дека 66-годишниот Епстин имал две фрактури – една лево и една десно од гркланот, околу Адамовото јаболко.

Бејден, кој во 70-тите беше прв форензичар одговорен за Њујорк, сега е приватен вештак. Учествувал и во неколку случаи каде свој удел имаа славни личности, како оној на О.Џ. Симпсон.

Неговото стручно мислење противречи со официјалните наоди што укажуваат дека тој се самоубил во неговата затворска ќелија, објавени од официјалните лица во август. Тој е приватно најмен од семејството на Епстин.

Самоубиството првично го оспори братот на Епстин – Марк, кој и го најми Бејден за второ мислење.

Мултимилионерот Џефри Епстин беше осуден за трговија со малолетни девојчиња и престапи од сексуална природа.

Коментирај