Турскиот претседател Реџеп Тајип Ердоган ги повика Турците кои живеат во Германија да не гласаат за трите главни партии на изборите што треба да се одржат следниот месец.
„Не правате грешка со давање поддршка за нив. Не за ЦДУ, не за СДП, не за Зелените. Тие сите се непријатели на Турција“, нагласи Ердоган по петочната молитва во Истанбул.
Следниот месец во Германија ќе се одржат избори на кои канцеларката Ангела Меркел ќе бара 4. мандат. На изборите право на глас имаат една третина од три милиони турски имигранти во Германија.
Германија и Турција во последно време имаат спор околу повеќе теми.Германската влада го критикува првенствено затворањето на повеќемина Германци, меѓу кои и новинарот Дениз Јуџел. Анкара пак ја обвинува Германија за пружање прибежиште на учесници во обидот за државен преврат од јули минатата година и за блокирање на проширувањето на трговската унија на ЕУ, за што турските медиуми ја обвинуваат германската канцеларка Ангела Меркел.